9. பழைய பிரண்ட்

சேலத்துக்கு நான் ஒருநாள்

சிக்கனமாய் பயணிக்க

காசுபோதா காரணத்தால்

கவலையுடன் செலவு செய்ய

முன்னிருந்த சீட்டிலுள்ள

மேன்மகனும் முகம் காட்ட

கண்டுகொண்டேன் அவனை நான்

கல்லூரித் தோழனென்று

சந்தோஷ மிகுதியாலே

சம்பாஷணை தொடர்கதையாய்

கல்லூரி நாட்களெல்லாம்

காட்சிகளாய் டெலிவிஷனாய்

நான் புகழ்ந்தேன் அவன் மகிமை

நட்புக்கவன் தந்த பெருமை

கூட்டாளியின் “பார்ட்டி”களை

கூர்மையுடன் நினைவூட்ட

நான் இருக்கும் நிலை குறித்து

நண்பனவன் விசாரிக்க

மேன்மையால் நான் பெற்ற

மேலாளர் பதவி பற்றி

பெருமையாய் அவனிடத்தில்

பீற்றிக்கொண்டு நான் தொடர

சுய நினைவில் பொறிதட்டி

செல்லும் விவரம் நான் கேட்க

குடும்ப சகிதம் வருவதாக

“குட்டி”ரெண்டு இருப்பதாக

பிடித்த சீட்டை விட்டதினால்

பெண்டு பிள்ளை “பேக்”கினிலே

கூறிக்கொண்டு அவனும் வர

“ஜெர்க்”ஆயி பஸ்ஸும் நிற்க

சுற்றுமுற்றும் பார்த்துவிட்டு

“ரெஸ்டாரெண்ட்” என உணர

“லஞ்ச்”எடுக்க வாராய் என

நண்பனும்தான் விரும்பி அழைக்க

“ஃபேமிலி”யாய் வரானாகையால்

“பில்” கொடுப்பான் என நினைக்க

பத்தினியிடம் என்னைப்பற்றி

பதவிசாய் உயர்வு சொல்லி

பர்ஸிலிருந்த ஒரே நூறுக்கு

“பாம்ப்”இட்டான் பழைய பிரண்ட்.

KAVIGNAR MILLENIUM VIGNESHIN THAMIZH KAVITHAIKAL NOORU

8. வரம்பு மீறிப்போச்சு

சேலத்து மாம்பழமாய்

சிவந்தது கன்னமிரண்டும்

அறந்தாங்கி மாமகனால்

அடி வாங்கி துன்புற்றேன்

நடந்தவையோ சிறு தவறு

நள்ளிரவின் தூக்கத்தால்

நடப்பவையோ பெரும்புதிரு

பெண்மணியின் ஊக்கத்தால்

கேளுங்கள் துரைமாரே

கதை நடந்த காரணத்தை

கேட்டுவிட்டு உணர்த்துங்கள்

குற்றம்தான் என்னவென்று

பெருங்கூட்டப் பேருந்தில்

பயணித்ததோ ராத்திரியில்

முன் பின் நான் நகர

முடியாமல் பரிதவிக்க

பக்கவாட்டில் தடியரெல்லாம்

மூட்டைபோல் சாய்ஞ்சி விழ

இஞ்சளவும் இடமில்லாமல்

எள்ளளவும் உறக்கமில்லாமல்

கம்பியைப் பிடித்துக்கொண்டு

கால் கடுக்க நான் நிற்க

டீனேஜ் பருவத்தில்

தனி ஆளாய் முதற்பயணம்

இரவு விளக்கு வெளிச்சத்தில்

எரிச்சலாய் டைம் போக

பின்னிருந்த ரெண்டு சீட்டில்

முப்பதிற்குள் பெண்ணொருத்தி

அலங்கோலத்தில் மார் விலகி

அமர்ந்து வந்தாள் முன் கவிழ்ந்து

காட்சி தந்த பொக்கிஷமோ

கண்டுகொள்ள என்னை விளிக்க

டிரைவர் போட்ட ஸ்விட்ச்களால்

திடுமென பல்ப்ஸ் எரிய

பிரகாச வெளிச்சத்தால்

அவள் கணவன் கண்விழிக்க

அவசரத்தில் அப்பெண்ணும்

என்னைக்காட்டி குறை கூற

வயதினால் ஜட்ஜ்மென்டும்

வரம்பு மீறிப்போச்சுதய்யா !

KAVIGNAR MILLENIUM VIGNESHIN THAMIZH KAVITHAIKAL NOORU

7. லாபம் யாருக்கு?

சிதம்பரத்தில் புறப்பட்டு

சேலம் செல்லும் பேருந்தில்

வேப்பூரில் நான் ஏற

விருட்டென்று பஸ் நகர

பாதிக்கூட்டம் கீழேதான்

பஸ்ஸுக்குள் போவத்தான்

நிறுத்தச்சொல்லி கூச்சலிட

நடத்துனரும் விசில் ஊத

டம்மென்று இரைச்சிலிட்டு

கம்மென்று பஸ் நிற்க

பதறிப்போன டிரைவர்தான்

உதறலுடன் செக் பண்ண

வண்டி நின்ற கணப்பொழுதில்

நின்றிருந்த மாந்தரெல்லாம்

விழா காணும் கூட்டம் போல்

முண்டியடித்து உள்ளே வர

டியூட்டியில் தூங்குகிற

பியூட்டியில் கண்டக்டர்

விழிக்காமல் வாய் பிளந்து

போகச்சொல்லி சத்தமிட

கடுப்பான ஓட்டுனரும்

கண்டதெல்லாம் எடுத்துரைக்க

நொண்டியான வண்டி அங்கே

“ஆர்பனாய்” ரோட்டில் நிற்க

கிளம்பாத புதிர்கேட்டு

கூட்டத்தினர் கிலேசிக்க

கோபம் கொண்ட பயணிகளும்

சுடுவார்த்தை அள்ளி வீச

எரிச்சலாய் கண்டக்டர்

அமைதி காண சத்தம் போட

வரும் பஸ்ஸை எதிர் நோக்கி

அனைவரும்தான் காத்திருக்க

கடமையில் “ப்ரேக்” கிடைத்த

கண்டக்டர் ஓட்டுனரை

அருகிலுள்ள டீக்கடைக்கு

மகிழ்ச்சியுடன் கூட்டிச்செல்ல

பார்த்துவிட்ட பயணிகளோ

பட்டிமன்றம் நடத்துகின்றார்

பயணத்தடை காரணத்தால்

வந்த லாபம் யாருக்கென !

KAVIGNAR MILLENIUM VIGNESHIN THAMIZH KAVITHAIKAL NOORU

6. தலைவிதி

திருநெல்வேலிச் சீமையிலே

தென் காசிச் சந்தையில

பாக்குவெத்திலை போட்டுக்கிட்டு

பசு மாட்டை விலை பேச

சொன்ன விலை கூட என்று

சும்மா சும்மா நச்சரிக்க

சொல்லியதில் சரிபாதி

சட்டென்று நான் குறைக்க

 கிட்டியது லாபமென்று

கீழிருந்து மேலே எழ

வாங்குபவர் பணமுடிச்சு

வக்கணையாய் தானேவிழ

 அவசரமாய் ஓடிப்போய்

அள்ளி அள்ளி எடுத்தபின்னும்

சகுனத்தடை என்று சொல்லி

சம்மதத்தில் பின் வாங்கி

ஓடிப்போனார் வாங்காமல்

ஒருவார்த்தை சொல்லாமல்

தேடியே நான் சென்றேன்

திரும்பியே நான் வந்தேன்

போவோரை வருவோரை

பார்வையால் பின்தொடர்ந்து

வாங்குவாரா என்றெண்ணி

ஆவலுடன் நானிருந்தேன்

அடுத்ததொரு குள்ள ஆளு

அருகாமையில் வந்து நின்று

மாட்டுக்காம்பை உற்றுநோக்கி

மடி சிறிசு என்றுரைத்து

 சொற்பமாய் விலை கேட்க

“சூ” வென நான் முறைக்க

வந்தசுவடு தெரியாமல்

மறைந்துபோனார் கூட்டத்தில்

பொழுதெல்லாம் சாயச் சாய

பிழைக்கும் வழி தேயத் தேய

கஷ்டப்பட்டு திருடிவந்த

காமதேனை விரட்டிவிட

தேடி வந்த போலீஸ்

திடீரென்று என்னை மிரட்ட

காயப்பட்டேன் லாக்கப்பில்

கடிந்துகொண்டேன் தலைவிதியை.

KAVIGNAR MILLENIUM VIGNESHIN THAMIZH KAVITHAIKAL NOORU

5. விடை பெற்றது பேருந்து

             

சேலத்தில் நான் ஏறி

சிதம்பரம் நான் போக

பேருந்து நிலையத்தில்

பஸ்ஸுக்கு காத்திருந்தேன்

வந்தது பேருந்து

வண்டு போலத் தானூர்ந்து

கூட்டங்கள் காத்திருந்து

கூவியது வாய் திறந்து

மொய்த்தது ஈ போல

மோதியது சீட் பிடிக்க

கத்தியது கலவரத்தில்

கலங்கியது நிலவரத்தில்

படித்தோர் பாமரோர்

பஸ்ஸில் சமமானார்

குடித்தோர் குளித்தோர்

கும்பலில் சிக்குண்டார்

திட்டினார் கண்டக்டர்

டிக்கட் வாங்கி ஏறச்சொல்லி

கத்தினார் கண்டபடி

கடுகடுப்பை வெளிப்படுத்தி

பேன்ட் போட்ட சீமான்கள்

பிடித்த சீட்டை நிலைப்படுத்த

கர்சீப்பைப் போட்டுவிட்டு

கவனமுடன் கீழிறங்க

“தோதி”யிட்ட மறவர்களோ

துணிஎதுவும் கிடைக்காததால்

போரிட்ட மன்னர்போல்

பிடித்த சீட்டில் நிலைத்திருக்க

கோபம் கொண்ட கண்டக்டர்

கெட்ட வார்த்தை வெளிக்களிக்க

கேட்டுவிட்ட வேட்டியாளர்ஸ்

துரிதமுடன் பின் தொடர

பாதிவழிப் பயணிகளை

பக்குவமாய் ஒதுக்கிவிட்டு

சிதம்பரம் போய்ச்சேர

சீட்டு தந்தார் ஒருவழியாய்

கனத்தமாத கர்ப்பிணி போல்

கண்டபின்னர் கண்டக்டர்

விசிலடித்தார் போகச்சொல்லி

விடை பெற்றது பேருந்து.

KAVIGNAR MILLENIUM VIGNESHIN THAMIZH KAVITHAIKAL NOORU